Xa estamos traballando no proxecto de divulgación e dinamización sociocultural en torno a obra e figura de Valentín Paz Andrade, autor homenaxeado no Día das Letras Galegas 2012.

Unha achega participativa e lúdica para rapaces/zas de secundaria.

Moi pronto na Rede Cultural da Deputación da Coruña.

Cúmprense cen anos da publicación de Peter Pan e queremos celebralo viaxando ao País de Nunca Xamais para coñecer ao capitán Garco, a Campaíña e aos nenos perdidos.

Para nenos e nenas de 4 a 12 anos.

Os venres 2, 9 e 16 de decembro, de 18 a 20 horas; e os sábados 3, 10 e 17 de decembro, de 11 a 13:30 horas.

Seguimos coa programación de animación á lectura nos Centros Socioculturais de Santiago de Compostela.

Ademais de continuar co programa habitual nos centros de Conxo, Castiñeiriño, Marrozos e Pontepedriña, desta volta visitaremos tamén o LSC do Viso, o LSC Casa Agraria, o CSC de Vite mais o CSC do Ensanche con obradoiros e contacontos do máis ameno.

Tomade boa nota!:

A literatura medieval ao alcance da man. Cantigas de mocear e amoríos, de mulleres e amigos, do tempo en que a enteira Península Ibérica lle cantaba ao amor en galego... revisitados. Porque hai temas que son universais e non teñen caducidade.

Continuidade do 'Books21', este novo proxecto que está a se iniciar, conta co apoio do programa europeo 'Grundtvig' de Educación Permanente de Adultos/as, e visa desenvolver parcería entre organizacións de seis países europeos. O tema é a posta en valor da memoria histórica e do patrimonio inmaterial mediante o recoñecemento das persoas que o viviron e conservan, os 'tesouros vivos-living treasures'.

En breve recibiredes máis información!

Xandobela segue a celebrar o 50º aniversario da publicación de Memorias dun neno labrego de Neira Vilas por todo o alto. Nesta ocasión viaxamos ata o CEIP Francisco López Estrada, no Concello de Mañón, o 28 de outubro.

BIBLIOTECA FAMILIAR

Este mes releremos os clásicos da literatura infantil para preparar o V Concurso de Narración Oral. Preparade a voz e os oídos!!

• Todos os venres do mes, de 18 a 20 horas, para nenos e nenas de 4 a 12 anos.
• Todos os sábados do mes, de 11 a 13.30 horas, para nenos e nenas de 4 a 9 anos.

TARDES NA BIBLIOTECA

Ideamos unha alternativa lúdica que engloba a recuperación dos xogos tradicionais con xogos novos e diferentes que chamarán a atención de todas as persoas. Os xogos escollidos son froito dun proceso de selección desenvolvido atendendo criterios que buscan o mellor funcionamento dos mesmos nun ambiente festivo, onde hai que buscar unha diversión rápida, directa e visual para persoas de idades diferentes.

Clica aquí para ver o video do "como se fixo" a primeira Biblioteca Vivente en Galiza