• LABORATORIO DE EDUCACIÓN NON-FORMAL:

Traballamos dende unha óptica innovadora contidos educativos e sociais de actualidade. Experimentamos con novas metodoloxías e estratexias de aprendizaxe fóra das habitualmente empregadas nos contextos de educación formal. Dinamizamos calquera contido e idea que ti desexes traballar.

• PARTICIPACIÓN E ASESORAMENTO:

Na sociedade da comunicación e democracia global na que vivimos, as oportunidades de participación sociocultural son innúmeras, sendo os únicos pre-requisitos existentes, o acceso á información axeitada e o coñecemento das canles e procedementos de tramitación e xestión de propostas de calidade.

• DINAMIZACIÓN DO LECER E DO TEMPO LIBRE:

Campamentos Abertos:

Un campamento aberto é unha actividade de lecer infantil e xuvenil que busca cubrir as necesidades de conciliación da vida laboral e familiar das persoas. Non obstante, Xandobela completa esta vertente asistencial ofrecendo programacións que responden a criterios educativos e pedagóxicos, culturais e sociais.

Aire Libre:

De xeito especial coidamos o aspecto convivencial nas nosas propostas en materia de Aire Libre. O punto básico do que partimos son as experiencias de grupo no medio natural, e a partir de aquí, deseñamos proxectos con distintas temáticas e actividades que tentan priorizar valores de autonomía, experimentación, vivencia e respecto na natureza.

Xogo:

O xogo é a ferramenta principal do traballo de Xandobela, o noso eixo vertebrador, presente en todas as nosas actividades, proxectos e intervencións. Un dos nosos retos é revalorizar o papel que o xogo ten na vida das persoas.

• DINAMIZACIÓN CULTURAL:

Letras:

Promocionamos a lectura, as letras, a lingua, a cultura, o patrimonio, a arte... pivotando nas súas potencialidades lúdicas, expresivas e creativas e conxugando o disfrute coa aprendizaxe e divulgación cultural.

Artes escénicas:

Espectáculos, artistas e obradoiros con propostas escénicas e educativas acordes cos principios e valores que promove Xandobela.

Dinamización Turística:

Sendo o noso país o turismo unhas das principais actividades económicas e de promoción cultural existentes, faise precisa unha abordaxe cercana que promova a empatía e participación, e garanta unha sustentabilidade sociocultural. Xandobela entendemos que cómpre incidir na didáctica e axeitada divulgación dos numerosos tesouros que nesta terra existen, axudando a poñer en valor e favorecer o fortalecemento do tecido social, económico e cultural das novas vilas e lugares.