O grupo de persoas que compoñemos Xandobela estamos certos de que outro mundo, tamén no eido da educación non formal, é posible. As ideas básicas que son motor da nosa acción poderíanse resumir nestas liñas:

Participación activa.-@ participante nunca debe ser visto como un espectador/a senón que debemos fomentar que acade un grao de autonomía que o faga asumir responsabilidades e polo tanto contribúa a afianzar a súa autonomía persoal e grupal. As relacións entre paricipantes e educador@s é sempre horizontal e participativo favorecendo, en todo momento, a toma de decisións conxunta.

Galiza.- Un obxectivo importante nas nosas programacións é crear un fornecemento da autoestima colectiva. O uso e fomento do galego; o coñecemento e defensa do medio sociocultural e natural do país son claves á hora de normalizar a situación que estamos a vivir hoxendía.

Igualdade.- Cremos nunha concienciación efectiva sobre a igualdade nas relacións de xénero que se consegue a través dun traballo conxunto e transversal